قصیدة شعبیة فی حب أمیر المؤمنین (ع)ߌ
گلی لیش اتحب امیر المؤمنین
ولیش بالشدات تنخا حیدره
ولیش من تعثر تنادی یاعلی
ولیش من اتگوم اسمه تظهره
ولیش من تذکر رسول الله الأمین
ویّه اسمه اسم حیدر تذکره
حیدر انسان ومثل باقی الأنس
انته دایم لیش اسمه اتکبره
گتله اسمع یاسفیه شمااگول
وکل کلامی بعگل وافر عبّره
هذا حبی موغریزه ولاهوه
ولاتعصب لاهو حب بلا دره
حبی فطره ویوم الله خالقی
خلق های الروح هالحب افطره
آنه احبه لأن محبوب الرسول
ودوم چان ایعظمه سید الوری
وگال هذا مثل هارون الزمان
یوم موسی البنی اسرائیل امّره
وگال نفسی هیّه نفس المرتضی
والشریعه بسیف حیدر عامره
وبس علی اسلم وآمن بالنبی
یوم چانت کل قریش اتکفره
ومن تگلی لیش تنخا بس علی
آنه اگلک منی اسمع ماجرا
من نخاه المصطفی مکانه یبات
حیدره ماهاب گوم الغادره
ویوم خندق من ابن ود ظل یصول
طاها منهو الذی الحربه سیره
والنبی یاهو الذی الخیبر بعث
قلع بابه وراس مرحب طبره
هسه تدری لیش آنه انخا الوصی
مو رسول الله نخا یوم الکره
زایل الشدات عن وجه الرسول
بطل لجل الدین عمره ناذره
آنه احبنه واظل انخامدام
ولجل یوم الدین حُبه ذاخره
حب علی هوّه الصراط المستقیم
وهوّه لینجینی یوم الآخره
اشلون اعوفن حب علی شی مستحیل
ملک وجدانی و وسط روحی جریٰ
آنه ما عوفن ابد نهج الأمیر
الیدری یدری وخله یدری المادره
آنه واهلی والسمع هذا الکلام
نفتخر لو رحنه فدوه الحیدره...🌹
